Når det gjeld næringsbygg er det særleg viktig med rasjonelle løysingar, både med tanke på oppføring og seinare bruk. Mange fornøgde kundar er prov på at element frå Stryn Betongelement er eit godt utgangspunkt for tenlege, større bygg. Vi tek på oss total prosjektering frå starten av, eller frå det stadiet kunden måtte ynskje.

Betongelement tåler røff behandling - det vere seg belastningar frå både menneske, maskiner, ver og vind. Når bygget er reist, treng det eit minimum av ettersyn og vedlikehald. I tillegg til slakkarmerte konstruksjonar som vi sjølve produserer leverer vi også takkonstruksjonar i stål eller spennbetong. Veggelementa kan ein få med eller utan isolasjon.